على سجادة صلاتى
ببكى وبشكيلك آهاتى
وبحكيلك عن الماضى
وبدعى بخير يكون آتى
وقلبى يدمع على ذنوبى
وبطلب مغفره لذلاتى
وتجمعنى فى فردوسك الأعلى
مع أمى وأبويه وأخواتى
وسجادتى بتسألنى
ليه فارقتى؟؟
وفى طموحك وأحلامك
وهم أيامك
كده غرقتى
هل أنتى ندمتى ورجعتى؟؟
وقلت لها بصوت واطى
وظهرى محنى ومطاطى
شفت نفسى وقت الممات
وقت البكى وقت الصراخ وقت السكات
يوم الندم على العمر اللى فات
ساعة مرور الذكريات
لعب وفراغ مع بعض النكات
والصلاه حبة فتات
وسألت نفسى
هل هو ده اللى فى قبرى هيدينى الثبات؟
هل هو ده اللى فى قبرى هيدينى الثبات؟
هل هو ده اللى فى قبرى هيدينى الثبات؟
